سلسلة البحث فى موقع ال PubMed - شرح MeSH Database و كيفية الاستفادة منها

بسم الله الرحمن الرحيم 

الدرس الرابع نشرح موضوع هام جدا و هو 

Medical Subject Headings (MeSH)

الدروس السابقة  

• سلسلة البحث فى موقع PubMed -- الصفحة الرئيسية و إعدادات العرض...

• سلسلة البحث فى موقع PubMed -- البحث المتقدم

سلسلة البحث فى موقع PubMed -- فلاتر البحث Search Filters

يعنى ايه ؟!!!

بإختصار الموقع بيحاول يساعدك بخبرته فى أنك توصل للى أنت عايزه بسهولة و من غير ما تفقد أبحاث مهمة لمجرد أنك متعرفش المُصطلحات المُختلفة لنفس الكلمة أو الموضوع اللى انت بتدور فيه 

طيب هنبحث فيه ازاى ؟!!

من الصفحة الرئيسية بنختار ال MeSh Database

أو ندخل على الرابط ده على طول

http://www.ncbi.nlm.nih.gov/mesh

أو نختار ال MeSh من القائمة المنسدلة اللى جنب مربع البحثزى الرقم  (1)

بعد كده هنكتب اللى احنا بندور عليه فى مربع البحث مثلا (Stem Cells) و نضغط (Search)

طلعلى 18 نتيجة أو مصطلح أو نوع للكلمة اللى أنا بأدور عليها ؟!!!

ممكن أختار أكثر من واحدة بالتعليم على المربع الصغير

لكن إحنا هنضغط على أحد المُصطلحات زى الصورة كده

بعد ما ضغطنا على المصطلح او نتيجة البحث طلعتلنا الصفحة دى و فيها حاجة اسمها Subheadings

نختار منها مثلا Treatment , Immmunology و هكذا على حسب احنا بندور على ايه ؟

خلاص خلصنا بنضغط على (Add to Search Builder) زى رقم 2

ثم بنضغط على ( Search Pubmed ) زى رقم 3

دى النتائج النهائية اللى طلعلتنا بعد إنتهاء البحث  حوالى 324 و ده رقم كويس بالمقارنة بنتائج البحث اللى هتطلعلك لو ما استخدمتش ال ( مش )

أنا عارف أن الموضوع مش حلو قوى لكن فعلا دى يمكن تعتبر من أهم خواص الموقع

اذا فى أى إستفسار أو سؤال لا تتردد :)