بسم الله الرحمن الرحيم
البحث فى الانترنت يعتبر الاستخدام الرئيسى لكل المستخدمين و لكن ما تريد البحث عنه ليس بالضرورة اان يكون متوفرا لك على طبق من ذهب بل يحتاج الى المزيد من الجهد و الفن فى البحث
الكثير من الناس قد يحاول البحث عن شىء عبر محركات البحث و لكن ييأس من النتيجة بعد فترة اما لأن نتائج البحث التى ظهرت له كثيرة جدا أو أنه لم يجد ما يريده حسب قدرته على البحث
أنا لست مُتخصصا فى الانترنت و علومه و لكن أنقل اليكم خبرة 4 أعوام من الاستخدام و المعاناة مع البحث حتى وصلت الى مرحلة متقدمة من القدرة على ايجاد ما أريده بسهولة و يسرو باستخدام أبسط المعلومات اللى يمكن كلنا عارفينها لكن لم نُحسن استخدمها
لا تنسى أن تتابع
نطاقات جوجل لكل دول العالم
محركات البحث العالمية
- أين أبحث فى الانترنت
خدمات جوجل من الألف الى الياء
نبدأ الدرس الأول على بركة الله
لماذا نحتاج الى البحث على الانترنت ؟؟
ممكن تحسه سؤال غريب شوية لكن لازم تبقى عارف أهمية الموضوع علشان تتعلمه و لازم تبقى عارف كويس انت هتحتاجه فى ايه علشان تهتم بيه
البحث فى الانترنت كلنا بنحتاجه اما للبحث عن معلومة أو كتاب أو بحث أو مقال أو حتى رابط تحميل ممكن ندور على صور او فيديو أو خبر أو خريطة ............الخ
طيب أنا ليه اتعلم ازاى أبحث و دى اى حد ممكن يعملها خش على جوجل واكتب اى حاجة وهو يجيبلك اللى انت عايزه ؟؟؟
ممكن كلامك يكون مظبوط لكن حتما هتحتاج فى وقت ما انك تكون مُحترف فى البحث وتطلع اللى انت عايزه من أى حتة و فى أى وقت
ليه تبحث عن حاجة وتاخد ساعة لما توصلها و انت ممكن توصلها فى عشر دقائق ؟!!!
خلى بالك من المثال القادم
ده بحث عن كتاب (( السلفية قواعد و أصول )) للدكتور أحمد فريد كمثال
شوف النتائج فى الصورة الأولى حتى الاخيرة و شوف الفرق ؟؟
طبعا اى واحد ممكن ميكونش عارف شوية الحاجات اللى هنشرحهم فى الدروس القادمة كان ممكن يقعد يلف فى الماوقع والمنتديات مرة الكتاب ملهوش رابط و مرة اللينك بايظ و مرة اللينك مبيظهرش الا لما ترد على الموضوع فى المنتدى ومرة اللينك يكون فيه اختصار روابط و تقعد مستنى و هلم جرا
فقط فى اقل من 30 ثانية تقدر توصل للرابط المباشر للكتاب اللى انت بتدور عليه
طيب ايه اول خطوة
اول خطوة هو انك تعرف ايه فكرة البحث فى الانترنت و محركات البحث ؟؟
ببساطة شديدة انا مثلا عملت موضوع على النت او موقع و رحت بلغت محركات البحث بيه علشان الناس تيجى للموقع و مهمة محركات البحث انها تبعت حاجات اسمها عناكب البحث و شوية حاجات كده تعرف ايه الجديد فى كل موقع او صفحة على الانترنت و ايه " كلمات البحث" اللى الموضوع بيدور حولها و تخزنه وانت لما تبحث تطلعلك النتائج اللى فيها كلمات البحث اللى انت كتبتها
مثلا أنا كتبت
تحميل كتاب السلفية قواعد وأصول
يبقى محرك البحث هيجيبلى كل موقع او صفحة فيها مجموعة الكلمات دى او حتى كلمة واحدة منهم و هكذا
(( ده طبعا توضيح بسيط بعيدا عن الشرح العلمى للموضوع ))
طيب و بعدين ؟!!!
لازم تعرف كويس انت عايز تدور على ايه
كل كلمة انت تزودها فى كلمات البحث بتقللك عدد النتائج و بتقربك أكثر الى مبتغاك
مينفعش تكتب كلمات عامة
كمثال فى الصور تحت
كل ما كان وصف الشىء اللى بأبحث عنه أدق كلما قلت النتائج و ده بيوفر عليا كتير
لما بحثت عن ( رياضة الباركور ) بس كان 29000 نتيجة ؟!!!
و لما الوصف كان أدق وصلت الى 5000 نتيجة تقريبا
ان شاء الله نكمل فى دروس قادمة
لا تنسونا من صالح دعائكم
لا تبخل علينا بأى اضافة أو معلومة و ستنشر باسمك
اذا أعجبك الموضوع قم بنشره ولا تجعله يقف عندك
No comments:
Post a Comment